Polşa prezidenti Karol Nawrocki Baş nazir Donald Tusku rəqəmsal məzmunun bloklanmasına icazə verən qanun layihəsini təsdiq edərək ölkədə söz azadlığını məhdudlaşdırmağa və senzura tətbiq etməyə cəhddə ittiham edib.
Bu barədə dövlət başçısı onlayn yazıb.
“Qeyri-qanuni məzmun və dezinformasiya ilə mübarizə bəhanəsi ilə hökumət məmurların inzibati qərarları vasitəsilə məzmunu əngəlləmək mexanizmini tətbiq etməklə söz azadlığını məhdudlaşdırmaq istəyir”, – Nawrocki bildirib.
Polşa prezidenti əlavə edib ki, belə bir vəziyyət yolverilməzdir. Ölkə vətəndaşları ifadə azadlığı hüququ əlindən alınana qədər ondan istifadə etməlidirlər.
