Polşada yerli sakin fişənglər yandıraraq, Böyük Polşa Voyevodalığının Poznan şəhərində bir neçə saat ərzində qatarların hərəkətini pozub.
Bu barədə yerli polisin sözçüsü Anjey Boroviak sosial şəbəkədə məlumat verib.
Polisin məlumatına görə, hüquq-mühafizə orqanlarının əməkdaşları Baltiyska küçəsi yaxınlığında dəmiryol relslərində silsilə partlayışlar törədən 43 yaşlı kişini saxlayıblar. Hadisə Poznań və Wegrowiec arasında nəqliyyatın hərəkətini dayandırıb.
Borowiak əlavə edib ki, kişinin hərəkətləri bütün təhlükəsizlik xidmətlərini xəbərdar edib. Onun mənzilinə baxış zamanı polis bir neçə yüz fişəng aşkar edərək götürüb.
Hazırda şübhəli şəxs həbsdədir. Polis sözçüsü qeyd edib ki, hüquq-mühafizə orqanları onun əməllərini mümkün hüquqi məsuliyyətə görə qiymətləndirir.
