Varşava yaxınlığında sərnişin qatarı avtobusla toqquşub. Bu barədə Goniec nəşri yazıb.
Hadisə Komorovun Mariya Dombrovska küçəsində, mühafizə olunmayan dəmiryol keçidində baş verib. İlkin məlumatlara görə, avtobus sürücüsü Qrodzisk Mazovetskidən Varşava istiqamətində hərəkət edən qatara yol verməyib.
Toqquşma nəticəsində avtobusa ciddi ziyan dəyib, 4 sərnişin xəsarət alıb. Onlar xəstəxanaya aparılıb.
Qəza nəticəsində hər iki marşrut üzrə qatarların hərəkəti dayandırılıb, nəticədə reyslərin ləngiməsi və cədvəlin dəyişməsi baş verib, jurnalistlər qeyd ediblər.
