Polşanın Onet nəşri yerli polisin məlumatlarına istinadən bildirir ki, Polşada ksenofobiya, irqçilik və ya dini dözümsüzlük zəminində ukraynalılara qarşı törədilən cinayətlərin sayı son iki ildə 66%-dən çox artıb.
Hüquq-mühafizə orqanlarının məlumatına görə, 2025-ci il yanvarın 1-dən iyulun 31-dək 543 belə cinayət qeydə alınıb ki, bu da 2024-cü ilin müvafiq dövrü ilə müqayisədə (384 hadisə) 159 fakt çoxdur. Bu, 41% artım deməkdir.
Cinayətlərin ən çoxu şəxsə qarşı cinayət törətməklə hədələmə ilə bağlı olub (Polşa Cinayət Məcəlləsinin 190-cı maddəsinin 1-ci bəndi) – yanvar-iyul aylarında 322 belə hal qeydə alınıb. Müqayisə üçün qeyd edək ki, bütün 2022-ci ildə 317, 2023-cü ildə 359, 2024-cü ildə isə 479 belə cinayət olub.
