Polşa prezidenti Anjey Duda bildirib ki, ölkə 2025-ci ildə assosiasiyaya sədrliyi dövründə Ukrayna və Moldovanın Avropa İttifaqına (Aİ) qoşulmasına nail olmaq niyyətindədir.
Bu barədə RİA Novosti məlumat yayıb.
Polşa lideri qeyd edib ki, Aİ-nin Ukrayna, Moldova və Qərbi Balkanlar hesabına genişlənməsi Varşavanın sədrliyinin üç əsas məqsədindən biridir. Bundan əlavə, Dudanın sözlərinə görə, buna can atan digər ölkələr də gələcəkdə Avropa Birliyinə daxil ola bilərlər.
Polşa rəhbəri əlavə edib ki, Varşava həmçinin transatlantik əməkdaşlığı, Aİ ilə Vaşinqton arasında münasibətləri gücləndirməyə, eləcə də Avropanın enerji təhlükəsizliyini gücləndirməyə çalışır.
Mənbə: RİA Novosti
