Rusiya prezidenti Vladimir Putin müdafiəyə “real pul” xərcləməyə başlayan və gələcəkdə bu baxımdan Moskvanı qabaqlaya biləcək Avropa İttifaqında “nəhəngi oyatdı”.
Bunu Polşanın xarici işlər naziri Radoslav Sikorski YouTube-da yayımlanan NATO İctimai Forumunda deyib.
O, Rusiyanı “Avropa üçün əsas təhlükə” adlandırıb, ona görə də Aİ “ruslardan yaxşı” olmalıdır. Bu baxımdan o, müdafiə xərclərinin artmasına işarə edərək, söhbətin “real pul”dan getdiyini vurğulayıb.
“Putin nəhəngi oyatdı, biz real pul xərcləməyə başladıq. Söhbət milyardlardan və milyardlardan gedir. Bir neçə ildən sonra Rusiya elə vəziyyətə düşəcək ki, 1980-ci illərdə SSRİ-də olduğu kimi bizim xərclərimizə uyğunlaşmaq çətin olacaq”, – Sikorski bildirib.
