Primorye alimləri Yaponiyanın “Fukusima-1” atom elektrik stansiyasından (AES) suyun buraxılmasından sonra Uzaq Şərq dənizlərində radioloji təhlükəsizliyin monitorinqi üçün ekspedisiya çərçivəsində toplanmış dəniz suyu nümunələrində tritiumun yüksək səviyyəsini aşkar ediblər. Bu barədə Rusiya Elmlər Akademiyasının Uzaq Şərq Bölməsinin Sakit Okeanologiya İnstitutunun saytında məlumat verilib.
Məlumata görə, iyun-iyul aylarında “Akademik Oparin” gəmisində elmi-tədqiqat ekspedisiyası baş tutub, məqsədi “Fukusima-1”dən atılan tullantılara görə Uzaq Şərq dənizlərinin radioloji təhlükəsizliyini qiymətləndirmək olub. Tədqiqatçıların Yapon dənizi və Oxotskda 100 tondan çox su nümunəsi, həmçinin biota və plankton nümunələri topladıqları bildirilir.
Avqustun əvvəlində Tokyo Electric Power Company (TEPCO) operatorunun mətbuat xidməti Yaponiyada Fukusima-1 AES-dən radioaktiv maddələrdən təmizlənmiş suyun axıdılmasının səkkizinci mərhələsinə başlandığını bildirmişdi.
Mənbə: Morning Post
