Mirror xəbər verir ki, ABŞ-da bir qadın gəmidə “sonsuz kruizə” getmək üçün bütün əmlakını satıb.
77 yaşlı Şeron Leyn Villa Vie Odyssey kruiz gəmisinə minəndə rahatlıq və sevinc hiss etdi – açıq okeanda yaşamaq arzusu nəhayət ki, gerçəkləşdi. Qadın qurudakı ənənəvi həyatından imtina etmək və ən azı növbəti 15 ilini ev gəmisində, dünyanı gəzərək keçirmək qərarına gəlib.
Məlumdur ki, “Villa Vie Odyssey” dünyanın ən prestijli limanlarında dayanacaqlar edərək dünyanı gəzəcək yaşayış gəmisinin unikal layihəsidir. Sərnişinlərin əksəriyyəti turist deyil, uzun müddətə kabin icarəyə götürmüş daimi sakinlərdir.
Laynerin sahibi olan şirkətin baş direktoru Mikael Petterssonun sözlərinə görə, gəminin göyərtəsində unikal icma formalaşır. Sərnişinlər arasında Nobel Sülh Mükafatı laureatı, Ağ Evin keçmiş aparat rəhbəri, astronavt, bilik və təcrübələrini bölüşən alimlər və həkimlər var.
