UEFA Çempionlar Liqasının play-off mərhələsi çərçivəsində keçiriləcək “Qarabağ” – “Nyukasl Yunayted” oyununun biletləri bu gün saat 12:00-da satışa çıxır.
İctimai.az xəbər verir ki, bu barədə klubun mətbuat xidməti məlumat yayıb.
Standart biletlərin qiymətləri 10, 15, 25, 35, 40, 50, 75 manat, VIP sektorlar 200, 250, 300 və 400 manat, VVIP sektorlar 1000 manatdır.
Xatırladaq ki, fevralın 18-də Tofiq Bəhramov adına Respublika Stadionunda keçiriləcək “Qarabağ” – “Nyukasl Yunayted” matçı saat 21:45-də başlayacaq.
