Kaliforniya Universitetinin alimləri müəyyən ediblər ki, dizel yanacağı tüstüsünə məruz qalma qaraciyəri zədələyir, siçanlarda orqan hüceyrələrinin mitoxondrilərinin (“elektrik stansiyaları”) disfunksiyasına səbəb olur.
Tədqiqatın nəticələri Particle and Fiber Toxicology (PFT) jurnalında dərc olunub.
Əvvəllər dərc edilmiş tədqiqatlar göstərmişdir ki, dizel emissiyaları və digər hava çirkləndiriciləri tip 2 diabet, yağlı qaraciyər xəstəliyi, ürək-damar xəstəlikləri və xərçəngin inkişafını artıra bilər. Bu fərziyyəni təsdiqləmək üçün alimlər gəmiricilər üzərində təcrübə aparıblar.
Tədqiqatda siçanların qaraciyər hüceyrələri dizel yanacağı hissəciklərinə məruz qalıb. Bu, 658 genin və 118 metabolitlərin – hüceyrə mübadiləsinin məhsullarının fəaliyyətinin pozulmasına səbəb oldu. Egzoz qazlarına məruz qalan hüceyrələrdə mitoxondrial disfunksiya meydana gəldi. Tədqiqatçılar izah etdilər ki, bu cür arzuolunmaz dəyişikliklər trigliseridlərin, yağ turşularının və şəkərlərin həddindən artıq istehsalına səbəb ola bilər.
