Bern Təbiət Tarixi Muzeyinin alimləri müəyyən ediblər ki, muzeydə saxlanılan ox ucu 3500 il əvvəl Yerə düşən meteoritdən Tunc dövrü ovçuları tərəfindən oyulub. Araşdırma “Journal of Archaeological Science” jurnalında dərc olunub.
1800-cü illərin sonlarında arxeoloqlar indiki İsveçrə ərazisində Tunc dövrünə aid yaşayış yerində xurma ölçüsündə ox ucu aşkar etdilər. O vaxtdan bəri artefakt Bern Tarixi Muzeyinin kolleksiyasının bir hissəsinə çevrildi.
Ucunun yeni analizi onun 3500 il əvvəl Yerə düşən meteoritdən edildiyini göstərdi. Alimlər rentgen tomoqrafiyasından və qamma-spektrometriyadan (radioaktiv materialların aşkarlanması texnologiyalarından) istifadə ediblər. Məlum olub ki, artefaktda təkcə alüminium-26-nın Yer kürəsində təbiətdə tapılmayan izotopları deyil, həm də meteoritlərə xas olan dəmir və nikel ərintisi izləri var.
Mənbə: Lenta.ru
Rashad Bayramov