Qətər Ukraynadakı münaqişənin sülh yolu ilə həlli üçün beynəlxalq səyləri dəstəkləyir.
Bu barədə ölkənin Xarici İşlər Nazirliyinin X sosial şəbəkəsində (keçmiş Twitter) dərc olunmuş bəyanatında deyilir.
“Qətərin baş naziri və xarici işlər naziri [Məhəmməd bin Əbdürrəhman Əl Tani] bir daha dövlətin Rusiya-Ukrayna böhranının sülh yolu ilə həlli üçün bütün beynəlxalq səyləri dəstəkləmək mövqeyini təkrarladı”, – deyə departament Rusiyanın xarici işlər naziri Sergey Lavrov ilə qətərli həmkarı arasında keçirilən görüşü şərh edərkən qeyd edib.
Nazirlik münaqişənin diplomatik yolla həllinin vacibliyinə diqqət çəkib.
