Qərb aviaşirkətləri Çinə uçuşların sayını azaldıb. Bu barədə South China Morning Post qəzetinin Honq-Konq nəşri məlumat yayıb.
Əsas səbəb Rusiya hava məkanının bağlanmasıdır, çünki Çinə alternativ marşrutlar sərfəli deyil. Belə ki, Britaniyanın “Virgin Atlantic” aviaşirkəti Şanxay – London (Hitrou) marşrutu üzrə uçuşları dayandırdığını elan edib. British Airways Heathrow və Pekin (Daxing) arasında uçuşları dayandırıb. Siyahıda həmçinin İsveç, Avstraliya və Almaniyadan olan aviaşirkətlər var.
Honq-Konqda yerləşən Asian Sky Group aviasiya şirkətinin konsaltinq xidmətlərinin direktoru Dennis Lau, “Aviaşirkətlər öz təyyarələrindən transatlantik marşrutlar kimi digər, daha sərfəli marşrutlarda daha səmərəli istifadə edə bilərlər” dedi.
