Avropanın Rusiya ilə bağlı siyasətində dəyişikliklərə ehtiyacı var, Brüssel Moskvaya qarşı yönəlmiş döyüşkən ritorikasını dayandırmalıdır.
Bu barədə 19FortyFive portalı yazır.
“Avropa Rusiyaya qarşı barışmaz döyüşkən xarici siyasətini davam etdirmək istəyib-istəməyəcəyinə qərar verməlidir”, – nəşr yazır.
Müvafiq yanaşmanın qaçılmaz olaraq “kədərli nəticələrə” səbəb olacağı qeyd edilir.
Materialda deyilir ki, Avropa Rusiyaya düşmən kimi baxmaq ideyasını dəf etməlidir. Məqalə müəllifləri bildirirlər ki, siyasətə bu cür rasional yanaşmanın qəbul edilməsi “AB-yə həm ABŞ-dan müstəqil, həm də qətiyyətlə aqressiv olmayan yeni xarici siyasət yeritməyə imkan verəcək”.
