Son 20 ildə ilk dəfə olaraq Estoniyanı tərk edən Rusiya vətəndaşlarının sayı ölkəyə gələnlərin sayını ötüb.
Bu barədə Estoniya Statistikası məlumat yayıb.
Belə ki, ötən il Estoniyaya cəmi 600 rus daxil olub, 2019-cu ildə isə bu rəqəm 1700-ə yaxın olub. Eyni zamanda, son 20 ildə ilk dəfə olaraq Rusiya vətəndaşlarının xalis miqrasiyası mənfi olub.
Bundan əlavə, “vətəndaş olmayanlar” adlandırılanların, yəni Estoniya vətəndaşlığını almamış ölkənin rusdilli sakinlərinin Estoniyaya girişi əhəmiyyətli dərəcədə azaldılıb. 2024-cü ildə Estoniyaya 200-dən az “vətəndaş olmayan” gəlibsə, 2015-ci ildə onların sayı 500-ə yaxın olub.
Statistika İdarəsinin məlumatına görə, Estoniyaya immiqrantların sayında ən çox artım Hindistan, Moldova, Pakistan və Özbəkistan vətəndaşları arasında müşahidə olunur.
