Samsung, Wi-Fi dəstəyi və quraşdırılmış ekranları olan məişət cihazlarında, o cümlədən ağıllı soyuducu və paltaryuyan maşınlarda özəl One UI qabığını tətbiq etmək planlarını açıqladı.
Bu barədə istehsalçının saytında bildirilir.
Təşəbbüs Samsung cihazlarının bütün ekosistemində interfeysi birləşdirməyə yönəlib. Bunun sayəsində istifadəçilər “Samsung” smartfon və televizorlarının interfeysinə bənzər tanış vizual təcrübə əldə edəcək, həmçinin məşhur proqram və xidmətlərlə inteqrasiyaya giriş əldə edəcəklər.
İstehsalçı vurğuladı ki, yeni strategiya yeniləmələr üçün genişləndirilmiş zəmanətlərlə müşayiət olunur. Şirkətin 2024-cü ildə buraxılan məişət texnikası bazara çıxarıldığı gündən etibarən yeddi il müddətində proqram təminatı dəstəyi alacaq – brendin flaqman smartfonları ilə bərabər. Yeni funksiyaları olan ilk yeniləmələr 2025-ci ilin sentyabrında paylanmağa başlayacaq.
