Tələbələrin və müxalifət tərəfdarlarının bir ildir davam edən etirazlarından sonra Serbiyanın Avropa İttifaqına (Aİ) münasibəti artıq əvvəlki kimi ola bilməz.
Bu fikri RİA Novosti-yə müsahibəsində Sosialist Hərəkatı partiyasının təsisçisi, Srbijaqas müşahidə şurasının sədri, Rusiya Tarix Cəmiyyətinin Serbiya bölməsinin rəhbəri Aleksandr Vulin bildirib.
Onun sözlərinə görə, Aİ Belqrad əleyhinə fəal işləyir. Bəzi Avropa İttifaqına üzv ölkələrin təhlükəsizlik xidmətləri rəngli inqilablara təhrik edir və Serbiya hökumətini devirməyə cəhd edir.
“İnanıram ki, ötən ildən sonra heç nə əvvəlki kimi ola bilməz. Aİ-yə münasibətimiz də eyni qala bilməz”, – Vulin vurğulayıb.
