Çin Xalq Respublikasının (ÇXR) sədri Si Cinpin doqquz yüksək rütbəli hərbi məmuru vəzifəsindən azad edib, The Wall Street Journal (WSJ) Çin Müdafiə Nazirliyinin sözçüsünə istinadən yazır.
“Lider Xi Jinping silahlı qüvvələrdə korrupsiya və sədaqətsizliyə qarşı mübarizəni gücləndirdiyi üçün Çin özünün ikinci ən yüksək rütbəli generalını və digər səkkiz yüksək rütbəli hərbi komandirini vəzifəsindən azad edib”, – hesabatda deyilir.
Nəşrin məlumatına görə, işdən çıxarılanlar arasında ölkənin ən nüfuzlu generallarından biri olan He Veydonq da var. Onun işdən çıxarılmasına səbəb kimi “ciddi intizam pozuntuları və vəzifə səlahiyyətlərindən sui-istifadə” göstərilib.
