Slovakiyanın xarici işlər naziri Yuray Blanar bəyan edib ki, ərazi güzəştləri olmadan Ukraynada sülhə nail olmaq mümkün deyil.
“Mənim şəxsi fikrim budur ki, bu müharibə artıq o qədər irəli gedib ki, bəzi ərazi güzəştləri ilə bağlı razılaşma olmadan sülh mümkün olmayacaq”, – Blanar Aİ xarici işlər nazirlərinin görüşünün yekunları üzrə jurnalistlərə bildirib.
O əlavə edib ki, dondurulmuş münaqişə hərbi əməliyyatların bərpasından üstündür və Slovakiyanın diplomatik həll yollarının axtarışını dəstəkləyəcəyinə söz verib.
Slovakiyanın digər siyasətçiləri də oxşar fikirlər səsləndiriblər: 2024-cü ilin dekabrında prezident Peter Pelleqrini nizamlanma üçün ərazi güzəştlərinin zəruriliyindən danışıb, 2025-ci ilin oktyabrında isə baş nazir Robert Fiko oxşar fikri bildirib.
