Xiaomi 2025-ci ilin avqustunda yeni HyperOS 3 əməliyyat sistemi üçün beta sınaq proqramını işə salmağı planlaşdırır.
Bu barədə “NotebookCheck” nüfuzlu insayder Digital Chat Station-a istinadən məlumat yayıb.
Mənbəyə görə, Android 16 əsasında yeniləmə, güman ki, ayın sonuna kimi dəstəklənən cihazlarda qeydiyyatdan keçmiş istifadəçilər üçün əlçatan olacaq. Üstəlik, eyni müddət ərzində digər smartfon istehsalçıları da Android 16-nı sınaqdan keçirməyə başlaya bilər, lakin konkret brendlər göstərilmir.
Xiaomi hələ ki HyperOS 3 ilə bağlı heç bir rəsmi açıqlama verməyib.İlkin məlumata görə, yeniləmə yenidən işlənmiş və daha intuitiv istifadəçi interfeysi, həmçinin bir sıra funksional dəyişikliklər əldə edəcək. Şayiələrə görə, Xiaomi mikroproqramının ən son versiyası iOS 26-da təqdim edilən “maye şüşə” ilə oxşar olacaq.
