TASS-ın məlumatına görə, Böyük Britaniyanın Baş naziri Keir Starmer bildirib ki, ABŞ-ın Danimarkanın ərazi bütövlüyünü dəstəklədiyinə görə Böyük Britaniyaya tarif tətbiq etməsi Londonun Qrenlandiya ilə bağlı mövqeyinə təsir etməyəcək.
O, İcmalar Palatasında (Britaniya Parlamentinin aşağı palatası) çıxışında bildirib: “Mən aydın şəkildə demək istəyirəm: mən geri çəkilməyəcəyəm və Britaniya da tariflər təhdidi altında Qrenlandiyanın gələcəyi ilə bağlı prinsiplərindən və dəyərlərindən geri çəkilməyəcək”.
Starmerin sözlərinə görə, Qrenlandiyanın suverenliyi ilə bağlı qərar yalnız ada sakinləri və danimarkalılar tərəfindən qəbul edilməlidir.
