NATO-nun baş katibi Yens Stoltenberq bildirib ki, alyansın ümumi hərbi xərcləri 2024-cü ildə 18% artacaq və blokun 32 ölkəsindən 23-ü hərbi xərclərini ümumi daxili məhsulun (ÜDM) 2%-nə qədər artırıb. TASS bu barədə Stoltenberqin ABŞ prezidenti Co Baydenlə görüşünə istinadən xəbər verir.
NATO baş katibinin sözlərinə görə, alyansın Avropa ölkələri, eləcə də Kanada bu il hərbi xərclərini 18% artırıb. Beləliklə, 23 NATO dövləti hazırda ÜDM-in 2%-nə çatıb.
Stoltenberq vurğulayıb ki, NATO-nun hərbi xərclərindəki bu artım son onilliklərin ən böyük artımıdır və bu, Vaşinqton üçün yaxşıdır, çünki bu vəsaitlərin üçdə ikisi ABŞ-dakı hərbi sifarişlərə gedir.
Mənbə: TASS
