NATO-nun keçmiş baş katibi Yens Stoltenberq Danimarkanın TV2 telekanalına müsahibəsində alyansın 2022-ci ildə Ukrayna üzərində hava məkanını bağlamaqdan imtina etməsindən danışıb.
Stoltenberqin sözlərinə görə, Rusiya qüvvələri Kiyev yaxınlığında olarkən Ukrayna tərəfi uçuşa qadağan zona yaradılmasını istəyib. Bununla belə, o, izah edib ki, bunun üçün Rusiyanın hava hücumundan müdafiə vasitələrinin ləğvi və Ukrayna ərazisi üzərində Rusiya təyyarələrinin vurulması tələb olunacaq.
“O zaman NATO müharibəyə cəlb olunacaq. Kiyevin bir neçə günə düşə biləcəyini başa düşmək ağrılı idi, lakin biz NATO təyyarələrini Ukraynanın hava məkanına göndərməyəcəyik”, – NATO-nun keçmiş baş katibi qeyd edib.
