“Vaksin tapılmayanadək virusun bütün əhaliyə yoluxması təhlükəsi qalır”.
“Qafqazinfo”nun verdiyi xəbərə görə, bunu TƏBİB-in İdarə Heyətinin sədri Ramin Bayramlı deyib.
O bildirib ki, hələ xəstəlik yekunlaşmayıb: “Əksinə, qarşıda daha ciddi problemlər ola bilər. Heç birimiz arxayınlaşmamalıyıq. Yaxın bir il ərzində düşmənin bizə bir addım olmasını unutmayaq. Biz karantin rejimi müddətinin uzadılması üçün ölkə rəhbərliyinə müraciət edəcəyik”.
Ramin Bayramlı qeyd edib ki, yaxın bir il ərzində həyat tərzimizi dəyişməliyik: “Gedişatdan asılı olaraq tədbirlərin daha da sərtləşdirilə biləcəyini unutmayın. Biz karantin rejimindən tədricən çıxacağıq”.
İctimai.az
