Sosial media vaxtının gündə bir saata endirilməsi narahatlıq və depressiyadan əziyyət çəkən gənclərdə tənhalığın azalmasına kömək edir. Bu, beynəlxalq alimlər qrupunun gəldiyi nəticədir.
Tədqiqat Affektiv Bozukluklar Jurnalında (JAD) dərc edilib.
Tədqiqatda artıq narahatlıq və ya depressiya simptomları yaşayan və gündə ən azı iki saat sosial mediada vaxt keçirən 17-25 yaş arası 219 tələbə iştirak edib. İştirakçılar iki qrupa bölünüb: birinə sosial media istifadəsini bir saatla məhdudlaşdırmaq, digərinə isə sosial mediadan həmişəki kimi istifadə etməyə davam etmək tapşırılıb.
Üç həftədən sonra elm adamları ekran qarşısında vaxtlarını azaldan iştirakçılarda tənhalığın əhəmiyyətli dərəcədə azaldığını qeyd ediblər. Nəzarət qrupunda demək olar ki, heç bir dəyişiklik olmayıb.
Tədqiqatın həmmüəllifi, Ottava Universitetindən Qari Qoldfild qeyd edib ki, “Sosial media əlaqələri gücləndirmək üçün nəzərdə tutulsa da, yüksək səviyyədə istifadə tez-tez tənhalığın artması ilə əlaqələndirilir”.
