Reuters xəbər verir ki, Almaniyanın Daimler Trucks və Yaponiyanın Toyota şirkətləri Yaponiyadakı yük avtomobilləri istehsal edən aktivlərini birləşdirmək üçün ilkin razılaşma əldə ediblər.
Anlaşma Memorandumu çərçivəsində şirkətlər Daimler-in Fuso Truck and Bus və Toyota-nın yük maşını istehsalçısı Hino Motors-u holdinqdə birləşdirəcəklər.
Daimler Trucks baş direktoru Martin Daumun sözlərinə görə, şirkətlər birgə inkişaf, satınalma və istehsalla məşğul olacaqlar, lakin Fuso və Hino-nun satışları və logistikası ayrı qalacaq.
“Biz sıfır emissiyaya doğru sürətlənirik, lakin bir əsas problem var və o da lazım olan maliyyədir. Bu paralel texnoloji inkişafın işləməsi üçün yalnız bir yol var: miqyas iqtisadiyyatları”, Daum bildirib.
Mənbə: Reuters
