Amerikanın yeni seçilmiş prezidenti Donald Tramp Kanadanın ABŞ-a 51-ci ştat kimi qoşulması mövzusunu müzakirə edərkən vergi və müdafiə sahəsində əhəmiyyətli qənaətin kanadalılar üçün üstünlük ola biləcəyi fikrini ifadə edib.
Trampın sözlərinə görə, amerikalıların qonşu ölkələrə niyə hər il 100 milyard dollardan çox subsidiya verdiyinə “heç kim cavab verə bilməz”. “Bir çox kanadalı Kanadanın ABŞ-ın 51-ci ştatı olmasını istəyir. Məncə, bu əla ideyadır. 51-ci dövlət! — o, Truth Social sosial şəbəkəsində yazıb.
Dekabrın 3-də Tramp Kanadanın baş naziri Castin Trüdo ilə görüşü zamanı onu hədələyib ki, əgər ölkə qanunsuz miqrasiya və narkotik qaçaqmalçılığı problemini həll etməsə, Kanada Amerika dövlətinə çevrilə bilər. Bir neçə gün sonra Tramp Kanada və Meksikanı bu ölkələrə subsidiya vermək əvəzinə ABŞ-a qoşulmağa dəvət etdi.
