ABŞ prezidenti Donald Tramp müdafiə naziri Pit Heqsetə ölkədə vətəndaş iğtişaşlarına cavab vermək üçün daimi çevik reaksiya qüvvələri yaratmağı tapşırıb.
Bu barədə Ağ Evin saytında dərc edilmiş sərəncamda deyilir.
Tramp Pentaqonun rəhbərinə hər bir ştatın Milli Qvardiyasının vətəndaş iğtişaşlarına cavab verməyə hazır olmasını təmin etməyi tapşırıb. Sənəddə qeyd edilir ki, hərbi idarə Milli Qvardiyanın daimi çevik reaksiya qüvvələrinin mövcudluğunu təmin etməlidir, onlar “resursla təchiz edilmiş, təlim keçmiş və ölkə daxilində tez bir zamanda yerləşdirilməyə hazır olmalıdır”.
Bundan əvvəl “Fox News” telekanalı Pentaqondakı mənbələrə istinadən xəbər vermişdi ki, Birləşmiş Ştatlar Milli Qvardiyanın 1,7 min əsgərini səfərbər etmək niyyətindədir. Bu qüvvələr cinayət və qeyri-qanuni immiqrasiya ilə mübarizə aparmaq üçün 19 ştatda Daxili Təhlükəsizlik Departamentinə yardım etmək üçün göndəriləcək.
