ABŞ Prezidenti Donald Tramp Avropa ölkələri ABŞ istiqrazlarını satmağa başlayarsa, onlara qarşı sərt cavab tədbirləri görməyə hazır olduğunu açıqlayıb. Siyasətçi bu açıqlamanı Fox Business-ə verdiyi müsahibədə verib.
“Əgər bu baş verərsə, biz sərt şəkildə cavab verəcəyik. Bütün kartları əlimizdə saxlayırıq”, – deyə Tramp məsələ ilə bağlı şərh verərkən vurğulayıb.
Danimarka pensiya fondu AkademikerPension əvvəllər Qrenlandiya mübahisəsi səbəbindən ABŞ dövlət istiqrazlarını satmaq niyyətində olduğunu açıqlayıb. CBS News-un məlumatına görə, fond yanvar ayının sonuna qədər təxminən 100 milyon dollar dəyərində bütün qiymətli kağızlarını satmağı planlaşdırır.
