ABŞ prezidenti Donald Tramp Venesuela prezidenti Nikolas Maduro ilə birbaşa telefon danışığı aparmaq niyyətindədir.
Axios mənbələrə istinadən xəbər verir ki, mənbələrə görə, söhbət planlaşdırma mərhələsindədir və dəqiq tarix hələ təyin edilməyib.
Trampın Maduro ilə qarşıdakı söhbətinin məqsədi hələ açıqlanmayıb, lakin Axios qeyd edir ki, “müxtəlif ssenarilər nəzərdən keçirilir”.
Nəşrin mənbələri vurğulayır ki, Trampın birbaşa Maduro ilə əlaqə saxlamaq qərarı ABŞ-ın raket zərbələri və ya quru əməliyyatları kimi hərbi müdaxiləsi ilə bağlı dərhal təhlükənin olmadığını göstərir.
“Hazırda Maduronu ələ keçirmək və ya məhv etmək planları yoxdur. Bunu tamamilə istisna etmək olmaz, lakin hazırda buna baxılmır”, – ABŞ rəsmilərindən biri deyib.
