“The New York Times” (NYT) qəzetinin məlumatına görə, Almaniya kansleri Fridrix Merts ABŞ prezidenti Donald Trampla görüşündə İspaniya və Böyük Britaniyanı müttəfiq kimi müdafiə edib və bu, Amerika liderinin qarışıq reaksiyasına səbəb olub.
Qeyd olunur ki, Merts bir gün əvvəl Ağ Evdə ABŞ və Almaniyanın ortaq müttəfiqi olan İspaniya ilə bağlı müzakirələrə qoşulub. Tramp dəfələrlə Almaniya kanslerini dost kimi tərifləyərkən digər avropalıları tənqid edib. Merts demək olar ki, susub. Lakin, daha sonra, nahar zamanı o, İspaniya və Böyük Britaniyanı müttəfiq kimi müdafiə edib ki, bu da “Trampı qıcıqlandırıb”.
Jurnalistlərin sözlərinə görə, kansler müzakirəni açıq şəkildə qızışdırmaq istəmədiyini bildirib və Trampın İspaniya və Böyük Britaniyaya qarşı tənqidinin əsassız olduğunu əlavə edib.
