Venesuela lideri Nikolas Maduronun həbsindən sonra ABŞ prezidenti Donald Tramp Monro Doktrinasının xatırlanmasına çağırdı. Ağ Ev mətbuat konfransını yayımladı.
“Monro Doktrinası, biz nədənsə onu unutmuşduq və bu, çox vacibdir, amma indi onu heç vaxt unutmayacağıq. Yeni milli təhlükəsizlik strategiyamıza əsasən, Amerikanın Qərb yarımkürəsindəki dominantlığı bir daha heç vaxt şübhə altına alınmayacaq”, – deyə ABŞ lideri vurğuladı.
Monro Doktrinası 1823-cü ildə Prezident Ceyms Monro tərəfindən elan edilmiş xarici siyasət doktrinasıdır. O, Qərb yarımkürəsini ABŞ-ın müstəsna maraq dairəsi elan etmiş və Avropa dövlətlərinin Amerika qitəsinin işlərinə müdaxilə etməməsini şərtləndirmişdi. Bunun müqabilində ABŞ Avropa işlərinə müdaxilə etməyəcəyinə söz vermişdi.
