Ağ Evin verdiyi məlumata görə, ABŞ Prezidenti Donald Tramp ABŞ-ın Venesuelaya hücumları ərəfəsində Florida ştatındakı Mar-a-Laqo iqamətgahında milli təhlükəsizlik brifinqi keçirib.
Brifinq cümə günü yerli vaxtla təxminən saat 17:30-da, yəni Moskva vaxtı ilə saat 01:30-a uyğun olaraq başlayıb. Təxminən bir saat davam edib və mətbuat üçün qapalı olub.
“The New York Times” qəzeti mənbələrə istinadən xəbər verir ki, ABŞ-ın ölkə paytaxtına endirdiyi zərbələrdən sonra Venesuela Prezidenti Nikolas Maduronun harada olduğu hələ də məlum deyil.
Eyni zamanda, NBC News xəbər verir ki, Karakasdakı Miraflores prezident sarayının ətrafı hərbçilər tərəfindən qorunur.
