ABŞ prezidenti Donald Tramp maliyyəçi Ceffri Epşteynə “erotik hədiyyə” verdiyini iddia edən məqalənin dərcinə görə “The Wall Street Journal”, media holdinqi NewsCorp və onun sahibi Rupert Merdoku məhkəməyə vermək planlarını açıqlayıb.
Bu barədə o, özünün Truth Social sosial şəbəkəsində məlumat verib.
Tramp WSJ-nin məqaləsinin “saxta”, qəzetin özünün isə “iyrənc və çirkin” olduğunu bildirib. O, məlumatın etibarsızlığı barədə redaksiyaya və Merdoku əvvəlcədən məlumatlandırdığını, lakin onlar tərəfindən heç bir tədbir görülmədiyini vurğulayıb. Prezident belə bir “hədiyyə”nin həqiqətən mövcud olsaydı, onun siyasi rəqibləri tərəfindən çoxdan istifadə olunacağı fikrini də bildirdi.
Ağ Ev rəhbəri əlavə edib ki, o hesab edir ki, media “doğru danışmağı öyrənməlidir” və etibarsız mənbələrə etibar etməməlidir.
