ABŞ Prezidenti Donald Tramp özünün Truth Social səhifəsində Qrenlandiya, Kanada və Venesuelanın ABŞ-ın bir hissəsi olduğunu göstərən yeni bir şəkil paylaşıb.
Süni intellekt tərəfindən yaradılan şəkildə Fransa Prezidenti Emmanuel Makron və Böyük Britaniyanın Baş naziri Keir Starmer də daxil olmaqla Avropa liderləri yeni ilhaq edilmiş əraziləri göstərən xəritəyə baxırlar.
Tramp yeni paylaşımı heç bir mətnlə müşayiət etməyib.
Qrenlandiya Danimarka Krallığının bir hissəsidir. Lakin Tramp dəfələrlə adanın Amerika dövlətinin bir hissəsinə çevrilməli olduğunu bildirib. Ötən ilin mart ayında Rusiya Prezidenti Vladimir Putin Trampın Qrenlandiyanı ABŞ-a ilhaq etmək planının ciddi olduğunu bildirib.
