Financial Times (FT) mənbələrə istinadən xəbər verir ki, ABŞ Prezidenti Donald Trampın komandasının nümayəndələri Kanadanın Alberta əyalətinin ayrılmasını müdafiə edən fəallarla görüşüblər.
Qəzetin məlumatına görə, separatçı Alberta Rifah Layihəsinin liderləri 2025-ci ilin aprel ayından bəri Vaşinqtonda ABŞ Dövlət Departamentinin nümayəndələri ilə üç dəfə görüşüblər. Fevral ayında yeni bir görüş planlaşdırılır və bu görüşdə əyalətin Kanadadan ayrılması halında onu dəstəkləmək üçün 500 milyard dollara qədər kredit müzakirə edilə bilər.
Lakin mənbələr qeyd edirlər ki, ABŞ-ın separatçı hərəkata birbaşa maliyyə dəstəyi verməsi ehtimalı azdır.
