ABŞ prezidenti Donald Trampın baş ticarət müşaviri Piter Navarro milyarder İlon Maskı onun platformasında Hindistandan rusiyayönlü təbliğatın yayılmasına imkan verməkdə ittiham edib. Bu barədə Navarro sosial şəbəkədə yazıb.
İttihamlar Navarronun X sosial şəbəkəsindəki yazılarına “kontekst” əlavə edən və Hindistanı Rusiya neftini aldığına görə tənqid edən şərhlərə əsaslanıb. İstifadəçilər tərəfindən əlavə edilən bu şərhlərdə Avropa ölkələrinin də Rusiya nefti aldığı, ABŞ-ın özünün Rusiyadan uran, gübrə və digər mallar idxalına davam etdiyi diqqətə çatdırılıb.
Navarro yazıb: “İlon Mask insanların nəşrlərində təbliğata icazə verir. Bu axmaq qeyd məhz belədir. Cəfəngiyatdır. Hindistan Rusiya neftini yalnız mənfəət üçün alır”.
