Türkiyə öz anbarlarında Aİ ölkələrinə tədarükü üçün təbii qazı mayeləşdirməyi planlaşdırır.
“Hazırda bizdə maye qaz zavodları yoxdur. Yaxın illərdə dövlət və ya özəl investisiyalar hesabına belə müəssisələr yaradıla bilər. O zaman biz LNG-ni gəmilərdə dünyanın hər yerinə ixrac edə biləcəyik”, – nəşrin həmsöhbəti bildirib.
Ötən həftə, mayın 2-də Türkiyə hakimiyyəti ölkəyə Rusiya və Azərbaycandan Avropaya əlavə həcmdə enerji resurslarının tədarükünə icazə verən qanun qəbul edib. Sənədə LNG-yə istinad da əlavə edilib.
Türkiyə LNG Təchizatçıları Assosiasiyasının rəhbəri Yaşar Arslanın sözlərinə görə, respublikadan təbii qazın potensial alıcıları Böyük Britaniya, İtaliya, Almaniya və Yunanıstan ola bilər.
Mənbə: Sabah
