Türkiyənin xarici işlər naziri Hakan Fidan bildirib ki, Ukraynadakı vəziyyət davamlı sülhə nail olmağa ən yaxındır. Bu barədə Türkiyə Xarici İşlər Nazirliyinin mətbuat xidməti məlumat yayıb.
Parisdə keçirilən “istəklilər koalisiyası” görüşünün nəticələrini şərh edən Fidan sammitin əhəmiyyətini vurğulayıb. Onun fikrincə, Ukrayna münaqişəsi indi bitməyə ən yaxındır.
Türkiyənin xarici işlər naziri qeyd edib ki, sülh sazişinin bir neçə əsas aspekti çox ətraflı müzakirə olunub. Fidanın fikrincə, sülh sazişi imzalansa, bu, təkcə Ukraynadakı münaqişəyə son qoymayacaq, həm də Rusiya ilə Avropa ölkələri arasında sülhün uzunmüddətli parametrlərini müəyyən edəcək.
