“Nezavisimy Turkmenistan” qəzetinin yazdığına görə, Türkmənistan əmək haqqı və müavinət artımlarını dayandırmağın vacibliyini bəyan edib, çünki ölkədə artıq “yüksək həyat standartı” var.
Sentyabrın 20-də Xalq Məsləhətinin iclası keçirilib və orada fəxri ağsaqqal Yazmirat Atamyradov şuranın sədri, Arkadağ (patron) rəsmi titulunun sahibi Qurbanqulu Berdiməhəmmədova müraciət edib.
“Sosial-məişət şəraitinin yüksək olduğunu nəzərə alaraq, əməkhaqqının, pensiyaların, dövlət müavinətlərinin, tələbə təqaüdlərinin artırılmasının dayandırılmasını təklif edirəm. Sizdən bu təklifi dəstəkləməyinizi səmimi qəlbdən xahiş edirik”, – Atamiradov bildirib.
