“The Financial Times” qəzetinə istinadən xəbər verir ki, Polşanın baş naziri Donald Tusk bildirib ki, prezidentlər Vladimir Putin və Donald Tramp Alyaskada görüş zamanı Şərqi Avropada NATO qoşunlarının ixtisarını müzakirə edə bilərlər.
“Biz son bir neçə gündə eşitdik ki, ruslar Ukraynanın gələcəyi ilə bağlı danışıqlara NATO-nun, məsələn, Polşadakı mövcudluğunun azaldılması müzakirəsini çox istəyirlər”, – Tusk bildirib.
O, NATO liderlərini bu məsələdə birlik nümayiş etdirməyə çağırıb. Bundan əlavə, Polşanın baş naziri Donald Trampın çərşənbə günü Aİ liderləri ilə onlayn konfransda iştirak etməyə dəvət etdiyi ölkənin yeni prezidenti Karol Nawrocki ilə birliyə çağırıb.
