Avropa Futbol Assosiasiyaları İttifaqı (UEFA) 2026-cı il dünya çempionatı üçün Avropa milli komandalarının seçilməsi üçün yeni format hazırlayıb.
Bu barədə UEFA məlumat yayıb.
UEFA seçmə turniri 2025-ci ilin mart-noyabr aylarında keçiriləcək qrup mərhələsinə və 2026-cı ilin martında keçiriləcək pley-off mərhələsinə bölməyi təklif edir.
Birinci mərhələdə komandalar hər biri dörd və ya beş komandadan ibarət 12 qrupa bölünəcək. Kvartetlərin qalibləri dünya çempionatına birbaşa vəsiqə əldə edəcəklər.
İkinci yeri tutan komandalar pley-offa çıxacaq. Bu mərhələdə, həmçinin dünya çempionatına vəsiqə qazanmaq üçün qrup mərhələsində birinci və ya ikinci pillələrdə yer ala bilməyən Millətlər Liqasının 2024/2025 mövsümünün dörd qrup qalibi çıxış edəcək. Komandalar dörd qrupa bölünəcək. Komandalar daha sonra bir matçdan ibarət yarımfinal və bir oyunluq final görüşləri keçirəcəklər.
2026-cı ildə futbol üzrə dünya çempionatı ABŞ, Kanada və Meksikada keçiriləcək. Turnirdə ümumilikdə 48 komanda mübarizə aparacaq.
Mənbə: GOAL