Ukrayna qitədəki vəziyyətə təsir etmək məqsədi ilə Afrikadakı mövcudluğunu genişləndirmək strategiyası hazırlayır.
Bu barədə UNIAN-ın sitat gətirdiyi Ukrayna Prezidenti Aparatının rəhbəri Kirilo Budanov bildirib.
“Ukrayna ilk dəfə olaraq Afrika qitəsindəki vəziyyətə hərtərəfli təsir göstərmək və dünyanın bu hissəsində Ukraynanın maraqlarını qorumaq məqsədini qarşısına qoyub. Ukrayna rəqabətli və nüfuzlu geosiyasi oyunçu statusunu təsdiqləməli, qlobal miqyasda suverenliyini təsdiqləməli və beləliklə, iqtisadi, təhlükəsizlik və digər maraqlarını planetin istənilən yerində inkişaf etdirməlidir”, – Budanov vurğulayıb.
Onun sözlərinə görə, son illərdə müxtəlif sahələrdə çalışan ukraynalı mütəxəssislər ölkənin Afrikadakı maraqlarının irəlilədilməsində kifayət qədər iştirak etməyiblər.
