Finlandiya yayımçısı Yle-nin məlumatına görə, Ukrayna Xarici İşlər Nazirliyi dron hadisəsinə görə Finlandiyadan üzr istəyib.
Xarici İşlər Nazirliyinin sözçüsünün sözlərinə görə, PUA-ların Finlandiyada olması qəsdən baş verməyib. Nazirlik bildirib ki, dronlar Baltik dənizindəki Rusiya neft limanlarını hədəfə alıb. Ukrayna Xarici İşlər Nazirliyi dronların çox güman ki, Rusiya elektron müharibə sistemləri səbəbindən Finlandiya ərazisinə daxil olduğunu irəli sürüb.
Martın 29-da Finlandiya bir neçə Ukrayna dronu ilə hava məkanına daxil olduğunu bildirib. Dronlardan biri Sankt-Peterburqdan təxminən 285 kilometr aralıda yerləşən Kouvola şəhəri yaxınlığında qəzaya uğrayıb. Baltik bölgəsində Ukrayna hücumları fonunda Helsinki qırıcı təyyarələrini havaya qaldırıb. Finlandiya hakimiyyəti hadisəni ərazi bütövlüyünün pozulması adlandırıb.
