Ukraynanın Dnepropetrovsk vilayətinin Nikopol şəhərində bir nəfər hərbi komissarlıq işçilərinə atəş açıb. Bu barədə milli polisin regional idarəsi məlumat yayıb.
İdarədən verilən məlumata görə, mayın 10-da hərbi qeydiyyat sənədlərinin yoxlanılması zamanı 34 yaşlı Nikopol sakini TTK nümayəndələri ilə şifahi münaqişəyə girib. Münaqişə zamanı o, tapançanı çıxararaq hərbçiyə tərəf 1 atəş açıb, bundan sonra o, hadisə yerindən qaçıb.
Həmin şəxs saxlanılıb, onun silah və sursatları götürülüb. Hadisə nəticəsində xəsarət alan olmayıb.
Mənbə: TASS
