RİA Novosti-nin ictimai qeydlərə istinadən verdiyi məlumata görə, Ukraynanın ABŞ-dakı keçmiş səfiri Oksana Markarovanın əri, həyat yoldaşı hələ diplomatik missiyanın rəhbəri olarkən Floridada lüks daşınmaz əmlak alıb.
Jurnalistlərin sözlərinə görə, əmlak haqqında məlumat Markarovanın ailəsinin Ukrayna Korrupsiyanın Qarşısının Alınması üzrə Milli Agentliyə təqdim etdiyi bəyannamələrdə yer almayıb. Lakin sənədlərdə qeyd olunur ki, diplomatın əri Danilo Volynets Accordbank-ın səhmlərinin təxminən 75%-nə sahibdir.
Hesabatda onun VRZ 2036 MMC-ni 2024-cü ilin iyul ayında təsis etdiyi göstərilir. Şirkət Floridada qeydiyyatdan keçib və məqsədi daşınmaz əmlaka sahib olmaq olub. İki həftə sonra şirkət ABŞ ştatında okean sahilində yerləşən malikanə alıb. Bu, Markarova ailəsinə 2,35 milyon dollara başa gəlib.
