Ukraynanın keçmiş baş naziri Nikolay Azarov TASS-a verdiyi müsahibədə bildirib ki, Rusiya hazırkı Ukrayna hökumətinin devrilməsi məsələsini ABŞ-la müzakirə etməlidir.
Onun sözlərinə görə, uzunmüddətli perspektivdə hazırkı hökumətin devrilməsində maraqlı olan Ukrayna xalqıdır. Siyasətçi hesab edir ki, bu əsas məqsəd amerikalılarla danışıqlar yolu ilə həll olunmalıdır.
“Bəs Budanov, Umerov və ya Zelenski özləri devriləcəklərmi? Əlbəttə ki, yox. Buna görə də, onlarla belə bir məsələni müzakirə etmək mənasızdır; bu, yalnız amerikalılarla müzakirə olunmalıdır və onlardan bu münaqişənin həllinə bir qədər real yanaşma gözləmək olar. Avropalılardan belə bir yanaşma gözləmək olmaz”, – Azarov belə bir fikir bildirib.
