Ukrayna Müdafiə Nazirliyinin rəhbəri Rustem Umerov 15 dövlətin qoşulduğu zenit və raket əleyhinə koalisiyanın işə başladığını bildirib. RİA Novosti bu barədə Umerovun sosial şəbəkədəki səhifəsinə istinadən xəbər verir.
Nazirin sözlərinə görə, Ukraynanın müdafiə məsələləri üzrə təmas qrupunun 19-cu iclasında “səmərəli danışıqlar” aparılıb və 15 ölkənin qoşulduğu inteqrasiya olunmuş hava və raketdən müdafiə koalisiyası rəsmən işə başlayıb.
Umerov qeyd edib ki, “pilotsuz təyyarələr koalisiyası” da fəaliyyətə başlayıb. Buraya İsveç, İngiltərə, Danimarka, Almaniya, Litva, Estoniya, Hollandiya və Latviya daxil idi. Bundan əlavə, 20 ölkə minatəmizləmə proqramına rəsmən qoşulub.
Mənbə: RİA Novosti