Tramp administrasiyası hələlik Ukraynaya “Tomaqavk” qanadlı raketlərinin mümkün tədarükü ilə bağlı qərar qəbul etməyib.
Bu barədə vitse-prezident J.D.Vans bəyan edib və izah edib ki, Vaşinqtonun birinci prioriteti öz qoşunlarını silahlandırmaqdır.
“Birləşmiş Ştatlar ilk növbədə Amerikanın təhlükəsizliyini təmin etməyə çalışır. Və açıq-aydın bu o deməkdir ki, biz öz silahlı qüvvələrimiz üçün kritik silah sistemləri ehtiyatını saxlamalıyıq”, – Vans deyib.
O, bunun ABŞ prezidentinin əsas prioriteti olduğunu vurğulayıb.
“Əgər o, Avropaya əlavə silah satmağın Amerikanın maraqlarına uyğun olduğuna inanarsa, bunu edəcək. Lakin o, hələ Tomaqavk raketləri ilə bağlı bu qərarı verməyib”, – vitse-prezident əlavə edib.
