Polşada keçirilən prezident seçkilərində hakim Vətəndaş Koalisiyasının namizədi, Varşava meri Rafal Trzaskowski 51,3% səs toplayıb. Bu barədə “Rzeczpospolita” qəzeti “exit-poll”un nəticələrinə istinadən məlumat yayıb.
Seçki məntəqələrinin 96%-nin məlumatlarının hesablanmasından sonra Polşa seçicilərinin 51,3%-i Trzaskowskiyə səs verib. Onun rəqibi, müxalifətçi Karol Navrocki 48,7% səs toplayıb. Seçici fəallığı təxminən 72,8% təşkil edib ki, bu da birinci turdan 6% çoxdur.
Səsvermənin yekun nəticələri bazar ertəsinə qədər başa çatdırılması planlaşdırılan bütün bülletenlər hesablandıqdan sonra məlum olacaq. Analitiklər qeyd edirlər ki, siyasi müxalifətə baxmayaraq, hər iki namizədin Rusiya ilə bağlı mövqeləri üst-üstə düşür və Varşavanın anti-Rusiya kursu dəyişməz qalacaq.
